१९ फागुन, काठमाडौं । आशिष राईले शहीद स्मारक बी डिभिजन लिगमा यस सिजनको पहिलो ह्याट्रिक गरेपछि चर्च ब्वाइज युनाइटेडले टुसाल युथ क्लबमाथि ५-२ को सानदार जित निकालेको छ ।
सातदोबाटोस्थित एन्फा कम्प्लेक्समा बिहीबार भएको पहिलो खेलमा टुसालका लागि आशिषले २७ मिनेट भित्र ह्याट्रक गरेका हुन् ।
उनले खेलको छैटौं १७औं र ३३औं मिनेटमा गोल गरे । यस्तै २१औं मिनेटमा विकास राईले गोल गरेपछि चर्च ब्वाइजले पहिलो हाफमै ४-० को अग्रता बनाएको थियो ।
वैकल्पिक खेलाडी कुवेत न्यौपानेले ८६औं मिनेटमा चर्च ब्वाइजका लागि एक गोल थपे । टुसालका लागि भने जिलेस्पी जंग कार्कीले ७२औं र उत्तम जंग शाहीले ८९औं मिनेटमा गोल फर्काए ।
२०७६ सालमा भएको ए डिभिजन लिगमा च्याम्पियन मछिन्द्र एफसीबाट खेलेका योगेश गुरुङ यस सिजन भने चर्च ब्वाइजबाट बी डिभिजन खेलिरहेका छन् । उनले वैशाख-जेठमा भएको नेपाल सुपर लिग धनगढी एफसीबाट खेलेका थिए ।
प्रतिक्रिया 4