मानेको गोलमा लिभरपुल विजयी

२२ फागुन, काठमाडौं । साडियो मानेको एक मात्र गोलमा लिभरपुलले प्रिमियर लिगमा वेष्टह्याम युनाइटेडलाई १-० ले पराजित गरेको छ ।

घरेलु मैदान एनफिल्डमा आइतबार भएको खेलमा लिभरपुलका लागि मानेले पहिलो हाफमा गोल गरे । उनले २७औं मिनेटमा ट्रेन्ट अलेक्जान्डर आर्नोल्डको पासमा गरेको गोल नै जितमा निर्णायक बन्यो ।

यस जितपछि दोस्रो स्थानको लिभरपुलले शीर्ष स्थानको म्यानचेष्टर सिटीसँग अंक दूरी घटाउँदै उपाधि होड कायम राखेको छ । यी दुई बीच अंक दूरी जम्मा ३ छ ।

२७ खेलबाट सिटी ६६ अंकसहित शीर्ष स्थानमा छ । उति नै खेलबाट लिभरपुलको ६३ अंक छ । वेष्टह्याम २८ खेलबाट ४५ अंकसहित पाँचौ स्थानमा छ ।

आइतबार भएको अर्को खेलमा लण्डन क्लब चेल्सीले बर्नलीलाई ४-० ले हरायो । चेल्सीको सहज जित काइ हाभार्टले दुई तथा रिस जेम्स र क्रिस्टियन पुलिसिकले एक-एक गोल गरे ।

चेल्सी २६ खेलबाट ५३ अंकसहित तेस्रो स्थानमा छ ।