दाङमा दुई लाख २१ हजार नगदसहित ११ जुवाडे पक्राउ

२२ फागुन, दाङ । दाङमा जुवा खेलिरहेको अवस्थामा ११ जनालाई प्रहरीले पक्राउ गरेको छ ।

घोराही उपमहानगरपालिका- १५ स्थित न्यू सुप्रिया होटल एण्ड लजमा जुवा खेलिरहेको अवस्थामा २ लाख २१ हजार नगदसहित ११ जनालाई पक्राउ गरेको हो ।

पक्राउ पर्नेमा होटल सञ्चालक अर्घाखाँचीको नगरपालिका–८ का गोपालबहादुर कुँवर, रोल्पाको रुन्टीगढी गाउँपालिका–७ का सरोज पुन, घोराही–९ का घनश्याम वली, घोराही–५ का कृष्णबहादुर रावत, घोराही–१३ का मनबहादुर खड्का, घोराही–१६ का रमेशबहादुर कुँवर रहेका छन् ।

त्यसैगरी घोराही–१३ का खेमराज गिरी, घोराही–४ का काशिराम भट्टराई, घोराही–१५ का भुमबहादुर केसी, बबई गाउँपालिका–६ का युवराज केसी, प्युठानको प्युठान नगरपालिकाका–५ का जीवन नेपाली रहेका छन् ।