देश अनुकुल भएर नै एमसीसीको वकालत गर्‍यौं : प्रकाशमान

२५ फागुन, काठमाडौं । नेपाली कांग्रेसका नेता प्रकाशमान सिंहले मिलेनियम च्यालेन्ज कर्पोरेसन (एमसीसी) देशको हित अनुकुल भएकाले कांग्रेसले वकालत गरेको बताएका छन् ।

काठमाडौँ निर्वाचन क्षेत्र नम्बर १ अन्तर्गत महानगरपालिका-३१ को शंखमुलमा बुधबार भएको कार्यक्रममा बोल्ने क्रममा सिंहले भने,‘एमसीसी नेपालको अर्थतन्त्रलाई टेवा पुर्‍याउने काममा लगानी हो। नेपालको आवश्यकता अनुसारको सहयोग गरियोजना हो ।’

सरकारमा हुँदा एउटा र सरकारबाट बाहिरिएपछि अर्को कुरा गर्ने कांग्रेसको प्रवृत्ति नभएको उनले बताए ।

राष्ट्रघाती भए संघीय संसदबाट पास गर्न नसकिने उनको जिकिर छ। ‘एमसीसीका बारेमा गलत प्रचार गर्नेहरुले नेपाल आईपीएसको अंग बन्यो भनेर भ्रम छरे,’ नेता सिंहले भने, ‘नेपालको परराष्ट्र नीति असंलग्न नीतिमा आधारित छ ।’