+
+

सार्वजनिक यातायातको भाडा समायोजन गर्न माग

नेपाल यातायात व्यवसायी राष्ट्रिय महासंघले सार्वजनिक यातायातको भाडा समायोजन गर्नुपर्ने माग गरेको छ ।

अनलाइनखबर अनलाइनखबर
२०७८ फागुन २९ गते १८:२४
फाइल तस्वीर

२९ फागुन, काठमाडौं । नेपाल यातायात व्यवसायी राष्ट्रिय महासंघले सार्वजनिक यातायातको भाडा समायोजन गर्नुपर्ने माग गरेको छ ।

महासंघले आइतबार पत्रकार सम्मेलन गरी इन्धनमा भएको अत्यधिक मूल्य वृद्धिका बाबजुद सरकारले भाडा समायोजनमा बेवास्ता गरेको भन्दै जतिसक्दो चाँडो भाडा समायोजन गर्नुपर्ने माग गरेको हो ।

सरकारले पेट्रोलियम पदार्थको मूल्य अत्यधिक बढाएपछि यातायात व्यवसायीले भाडा वृद्धि गर्नुपर्ने माग गर्न बाध्यता भएको महासंघको भनाइ छ । महासंघका अध्यक्ष योगेन्द्रनाथ कर्माचार्यले पछिल्लो समय इन्धनमा भएको मूल्य वृद्धिको विरोध गर्दै आगामी चैत ७ गतेसम्म भाडा समायोजन नभएमा बाध्य भई वैज्ञानिक भाडा कार्यविधिलाई आधार मानी महासंघले नै भाडा समायोजन गर्ने बताए ।

उनले भने, ‘विसं २०७८ असारमा भाडा बढाए लगत्तै तीन दिनपछि फेरि पट्रोलियम पदार्थको मूल्य बढ्यो, त्यसयता सात पटक बढ्यो तर भाडा समायोजन भएको छैन । सरकारलाई सवारी साधनको भाडा नबढाऔँ तर मूल्य वृद्धि फिता गराँै भनेर हामीले पटकपटक आग्रह गर्दै आएका छौँ, सुनुवाइ भएको छैन ।’

नेपाल ट्रक महासंघका अध्यक्ष राजेन्द्र श्रेष्ठले सरकार र सम्बन्धित निकायले भाडा समायोजनमा ध्यान नदिएमा व्यवसायीले नै वैज्ञानिक कार्यविधिका आधारमा भाडा समायोजन गर्नुपर्नेमा जोड दिए ।

नेपाल यातायात स्वतन्त्र यातायात मजदुर सङ्गठनका वरिष्ठ उपाध्यक्ष नवराज घिमिरेले सरकारले प्रतिलिटर ५८ रुपैयाँ व्यवसायीसँग कर लिन्छ तर त्यसको ख्याल छैन, त्यसमा लगाएको कर छुट दिएमा पनि व्यवसायीलाई अलि सहज हुने उनले बताए ।

महासंघले बागमती प्रदेशमा वैज्ञानिक भाडा समायोजन विधि लागू नगरेको, सङ्घीय सरकारले समायोजन गरेको भन्दा कम प्रतिशत भाडा समायोजन गरी अव्यावहारिक निर्णय गरेकाले सोलाई थप समायोजन गर्न, सार्वजनिक बसको लागत वृद्धि ९.०३ प्रतिशत, ट्रक (पहाड) लागत वृद्धि ११.८२ प्रतिशतलगायत भाडादर कायम गर्नसमेत सरकारसँग माग राखेको छ ।

त्यसैगरी ट्याक्सीको भाडा बागमती प्रदेश सरकारले हालसम्म पनि समायोजन नगरेको भन्दै गण्डकी प्रदेशमा लागू भएको फ्ल्याग डाउन रु ८० र प्रति पल्स २०० मिटरको रु १० भाडा दरलाई आधार मानी बागमती प्रदेशमा पनि भाडा समायोजन गर्न र सरकारले गत असार २७ गते समायोजन गरेको भाडादर पर्यटक सवारीको हकमा समायोजन नभएकाले वैज्ञानिक भाडा समायोजन गर्न महासंघको माग छ ।

 

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?