२०७८ चैत ३ गते ९:०७ 
३ चैत, काठमाडौं । इटालियन क्लब युभेन्ट्स च्याम्पियन्स लिगको अन्तिम १६ बाटै बाहिरिएको छ । बुधबार राति भएको अन्तिम १६ को दोस्रो लेगको खेलमा स्पानिस क्लब भियारियालसँग ३-० ले पराजित भएपछि युभेन्ट्सको यात्रा अघि बढेन ।
भियारियाल भने समग्रमा ४-१ को जितसहित क्वाटरफाइनल प्रवेश गरेको छ । पहिलो लेगको खेल १-१ को बराबरीमा सकिएको थियो ।
दोस्रो लेगमा भियारियाललाई जिताउन जेरार्ड मोरेनो, पाउ टोरेस र डान्जुमाले गोल गरे ।
यस्तै अर्को खेलमा फ्रेन्च क्लब लिललाई दोस्रो लेगमा २-१ ले पराजित गर्दै समग्रमा ४-१ को नतिजामा चेल्सी क्वाटरफाइनल प्रवेश गरेको छ ।
दोस्रो लेगमा बुराक यिलमाजको गोलबाट लिलले पहिले अग्रता लिएको थियो । तर क्रिस्टियन पुलिसिक र सेजार एज्पिल्कुएटाले गोल गर्दै चेल्सीलाई जित दिलाए ।
प्रतिक्रिया 4