+
+

समाजको भावना बुझेर ‘पीर’को एउटा दृश्य हटाएको हुँ : प्रकाश सपुत

अनलाइनखबर अनलाइनखबर
२०७८ चैत १० गते १७:५३

काठमाडौं । गायक प्रकाश सपुतले कसैको दबाबमा नभई समाजको भावनालाई बुझेर आफ्नो गीत ‘पीर’को भिडियोबाट एक दृश्य हटाएको बताएका छन् । ‘पीर’ गीतको भिडियोमा एक पूर्वमाओवादी लडाकु देहव्यापारमा संलग्न भएको दृश्य हटाएको विषयमा उनले यस्तो प्रष्टीकरण दिएका हुन् ।

बिहीबार काठमाडौंमा पत्रकार सम्मेलन गरी गायक सपुतले गीतमा समावेश उक्त दृश्यले समाजका केही व्यक्तिको चित्त दुखेको महसुस गरेर हटाइएको बताए ।

जनयुद्ध लडेर राजनीतिक परिवर्तन भएपनि व्यवहार परिवर्तन नभएकाले निराश बनेका पूर्व माओवादी लडाकु गीतमा समावेश उक्त  दृश्यबाट झनै चिन्तित बनेकाले उनीहरुको भावनालाई कदर गरेको उनले बताए ।

यसलाई भावनाको हिसाबले सोचिदिन पनि सबैलाई आग्रह गरेका छन् ।

केही समयअघि सार्वजनिक भएको प्रकाश सपुतको ‘पीर’ गीतमा जनयुद्धमा सहभागी लडाकुहरुले वर्तमान समयमा भोगिरहेको अभाव र पीडालाई विषयवस्तु बनाइएको छ । भिडियोको एक दृश्यमा पूर्वलडाकु महिला जीविका चलाउन देहव्यापारमा संलग्न भएको चित्रण गरिएको छ । यो दृश्यमाथि अधिकांश माओवादी नेता तथा कार्यकर्ताहरुले आपत्ति जनाएका थिए ।

विवादित बनेपछि गायक सपुतले उक्त दृश्य हटाएर पुनः गीत सार्वजनिक गरेका थिए ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?