भारतको गुवाहाटी गोलीकाण्ड : मृतक ५ मध्ये एकै परिवारका ४ जना

घटनाबारे थप अनुसन्धान भइरहेको असम प्रहरीले जनाएको छ ।

News Summary

Generated by OK AI. Editorially reviewed.

असमको गुवाहाटीस्थित होटल बिलास इनमा होटल स्वामित्व र लिज विवादका क्रममा गोली चल्दा एकै परिवारका चारसहित पाँच जनाको मृत्यु भएको छ।
सो घटनामा ६ जनालाई गोली लागेकोमा एक जना घाइते भएका छन् र प्रहरीले एक जनालाई पक्राउ गरेको छ।
प्रहरीले ३२ बोरको लाइसेन्स प्राप्त पेस्तोल बरामद गरी घटनाबारे थप अनुसन्धान गरिरहेको जनाएको छ।

१० कात्तिक, काठमाडौं । भारतको असम राज्यस्थित गुवाहाटीमा गोली चल्दा एकै परिवारका चारसहित पाँच जनाको मृत्यु भएको छ । एक जना घाइते भएका छन् ।

होटलका मालिक र लिजमा होटल सञ्चालन गर्ने व्यक्तिबीच भएको विवादका क्रममा गोली चल्दा पाँच जनाको मृत्यु भएको भारतीय मिडियाहरुले जनाएका छन् ।

भारतीय समाचार एजेन्सी पीटीआईका अनुसार सोमबार राति करिब ९ बजे गुवाहाटीको जीएस रोडस्थित बोरा सर्भिस नजिकै रहेको होटल बिलास इनमा यो घटना भएको हो ।

असम प्रहरीका अनुसार घटनामा ६ जनालाई गोली लागेको थियो । तीमध्ये पाँच जनाको मृत्यु भएको गुवाहाटीका प्रहरी आयुक्त पार्थ सारथी महन्तले बताएका छन् ।

घटनापछि प्रहरीले एक जनालाई पक्राउ गरेको भारतीय समाचार एजेन्सी एएनआईले जनाएको छ । प्रहरीका अनुसार घटनामा ३२ बोरको लाइसेन्स प्राप्त पेस्तोल प्रयोग गरिएको थियो ।

प्रहरीले घटनामा प्रयोग भएको हतियारसमेत बरामद गरेको जनाएको छ ।

घटना भएको होटल असम प्रहरी मुख्यालयबाट करिब दुई किलोमिटरको दूरीमा रहेको छ । होटलको स्वामित्व र लिजमा सञ्चालन गर्ने विषयमा भएको विवादले हिंसात्मक रूप लिएको प्रारम्भिक विवरणमा उल्लेख छ ।

ट्रेन्डिङ +

ताजा अपडेट +

ओशो तपोवनमा ज्ञानेन्द्र शाही, कहाँ थिए, कहाँ पुगे ?

प्रेमको अर्थ नजिक हुनुमा होइन, अप्ठ्यारोमा भरोसा बनेर उभिनुमा छ

केही आँसु, केही मौनता र नबिर्सने संवेदना

मधेश सरकारको सकस : विश्वास जोगाउन कांग्रेसलाई हम्मे, नयाँ सरकार गठनको गृहकार्य