अमेरिकामा पहिलोपटक अश्वेत महिला सर्वोच्च अदालतको न्यायाधीश नियुक्त

२४ चैत, काठमाडौं । अमेरिकी संसद्ले केतन्जी ब्राउन ज्याक्सनलाई अमेरिकाको सर्वोच्च अदालतको पहिलो अश्वेत महिला न्यायाधीशको रुपमा नियुक्त गरेको छ ।

उनलाई नियुक्त गर्न अमेरिकी संसद्मा भएको मतदानमा उनको पक्षमा ५३ र विपक्षमा ४७ मत खसेको थियो । सबै डेमोक्रेटिक सिनेटर र तीनजना रिपब्लिकन सिनेटरले केतन्जीको नियुक्तिको पक्षमा मतदान गरेका थिए ।

रिपलिब्कन सिनेटरहरु लिसा मुर्कोस्की, मिट रोम्नी र सुसन कोलिन्जले नियुक्तिको पक्षमा मतदान गरेका थिए । आगामी ग्रीष्मयाममा उनले सपथ ग्रहण गर्ने न्युयोर्क टाइम्सले जनाएको छ ।

राष्ट्रपति जो बाइडेनले केतन्जीलाई सर्वोच्च अदालतको न्यायाधीशमा प्रस्ताव गरेका थिए । ५१ वर्षीया केतन्जी अमेरिकी सर्वोच्च अदालतको २३३ वर्ष लामो इतिहासमा अफ्रिकी–अमेरिकी मूलको तेस्रो र पहिलो महिला हुनेछिन् ।