२६ चैत, काठमाडौं । इण्डियन प्रिमियर लिग (आईपीएल) क्रिकेटमा सनराइजर्स हैदरावादले पहिलो जित हात पारेको छ ।
सुरुवाती दुई खेल गुमाएको सनराइजर्सले शनिबार चेन्नई सुपर किङ्ग्सलाई ८ विकेटले हराएको हो । चेन्नईको भने यो सिजनकै लगातार चौथो हार हो ।
चेन्नईले दिएको १५५ रनको लक्ष्य सनराइजर्सले अभिषेक शर्माको ७५ रनको मदतमा १७.४ ओभरमा मात्र २ विकेट गुमाएर भेट्टायो । शर्माले अर्का ओपनर केन विलियम्सनसँग पहिलो विकेटका लागि ८९ रनको साझेदारी गरेका थिए । केन ३२ रनमा आउट भए । तेस्रो नम्बरमा आएका राहुल त्रिपाठीले शर्मासँग मिलेर आक्रामक पारी खेलेपछि सनराइजर्सलाई सहज भयो ।
सनराइजर्सलाई जितका लागि मात्र १० रन चाहिएको बेला शर्मा ७५ रनमा आउट भए । ३९ रनमा अविजित रहेका त्रिपाठीले निकोलस पोरनसँग मिलेर टिमलाई जिताए ।
त्यसअघि चेन्नईले निर्धारित २० ओभरमा ७ विकेट गुमाएर १५४ रन बनाएको थियो । उसका लागि मोइन अलीले सर्वाधिक ४८ रन बनाएका थिए ।
प्रतिक्रिया 4