रुपन्देहीका १० गाउँपालिकामा कांग्रेसले टुंग्यायो उम्मेदवार

१२ वैशाख, बुटवल । रुपन्देहीका १० गाउँपालिकामा नेपाली कांग्रेसले अध्यक्षका उम्मेदवार टुंगो लगाएको छ ।

सियारी गाउँपालिकामा थानेश्वर घिमिरे, मायादेवीमा ध्रुवनारायण चौधरी, शुद्धोधनमा विष्णुप्रसाद बस्याल र गैडहवामा वसिउल्लह मुसलमानलाई कांग्रेसले अध्यक्षको उम्मेदवार बनाएको छ ।

यस्तै कञ्चनमा नवराज ढकाल, रोहिणीमा वैजनाथ साहनी, सम्मरीमाईमा विनोद श्रीवास्तव, मर्चवारीमा ज्ञानप्रकाश मिश्रा र कोटहीमाई बलराम यादव उम्मेदवार बन्ने कांग्रेस रुपन्देही सचिव हरि काफ्लेले जानकारी दिए ।

जिल्लाको एकमात्र उपमहानगर पालिका बुटवल र ५ नगरपालिकाको प्रमुखको उम्मेदवार यसअघि नै टुंगो लागिसकेको छ ।

जिल्लाका १० गाउँपालिका मध्ये २०७४ सालको स्थानीय तह निर्वाचनमा कांग्रेसले मायादेवीमा मात्रै जितेको थियो ।