जितपुर सिमराको मेयरमा माओवादीका पौडेल र उपमेयरमा कांग्रेसकी शाहीले गरे उम्मेदवारी दर्ता

१२ वैशाख, वीरगञ्ज । बाराको जितपुर सिमरा उपमहानगरपालिकाको नगर प्रमुखमा गठबन्धनका तर्फबाट नेकपा माओवादी केन्द्रका राजन पौडेल र उपप्रमुखमा नेपाली कांग्रेसकी मेघा शाहीले उम्मेदवारी दर्ता गराएका छन् ।

निर्वाचन अधिकृतको कार्यालयमा पुगेर पौडेल र शाहीले उम्मेदवारी दर्ता गराएका हुन् । केन्द्रीय गठबन्धनले गरेको निर्णयअनुसार नेकपा माओवादी केन्द्रले प्रमुख र नेपाली कांग्रेसले उपप्रमुखमा उम्मेदवारी दिएको हो ।

प्रमुख पदका उम्मेदवार पौडेलको प्रस्तावकमा जयराम दाहाल र समर्थकमा कृष्णव्रत सिंह रहेका छन् । शाहीको प्रस्तावकमा राजेन्द्रकुमार शाही र समर्थकमा हिराज कार्कीले हस्ताक्षर गरेका छन् ।