बगनासकालीमा एमाले विजयी, चिदी बनिन् अध्यक्ष

४ जेठ, पाल्पा । पाल्पाको बगनासकाली गाउँपालिका अध्यक्ष र उपाध्यक्षमा नेकपा एमालेका उम्मेदवार विजयी भएका छन् ।

पालिकाकी निवर्तमान उपाध्यक्ष सरस्वती चिदी ८ सय ३३ मत अन्तरले अध्यक्षमा विजयी भएकी हुन् । उनले ६ हजार ४ सय ६६ मत ल्याउँदा उनको निकटतम प्रतिस्पर्धी नेपाली कांग्रेसका सुनिता अधिकारीले ५ हजार ६ सय ३३ मत प्राप्त गरिन् ।

यस्तै, उपाध्यक्षमा एमालेका हरि पाठक ५ हजार ८ सय ७३ मत ल्याएर विजयी भए । उनका निकटतम प्रतिस्पर्धी नेकपा एकीकृत समाजवादीका खिमानन्द पाण्डेय (कमल)ले ४ हजार ७ सय ७८ मत ल्याए ।

नौ वडा वडा रहेको यो पालिकामा ६ वटा वडामा एमाले तथा तीनवटामा कांग्रेस उम्मेदवार विजयी भएका छन् ।