सुपारी, मरिच, केराउ र छोकडा आयातमा नगद मार्जिनको व्यवस्था

२६ जेठ, काठमाडौं । नेपाल राष्ट्र बैंकले उद्योगले सुपारी, मरिच, केराउ र छोकडा आयात गर्दा पनि शतप्रतिशत नगद मार्जिनको व्यवस्था गरेको छ ।

बिहीबार बैंक तथा वित्तीय संस्थाहरुलाई एकीकृत परिपत्र जारी गर्दै केन्द्रीय बैंकले यस्ता वस्तुको आयातमा नगद मार्जिनको व्यवस्था गरेको हो ।

अब उद्योगले कच्चा पदार्थको रुपमा सुपारी, मरिच, केराउ र छोकडाको आयात गर्दा नगद मार्जिन राख्नु पर्नेछ । यस अघि व्यापारिक प्रयोजनमा यी वस्तुको आयात गर्दा मात्रै नगद मार्जिनको व्यवस्था थियो ।

(यसअघि नगद मार्जिनको व्यवस्था हुनुपर्नेमा अन्यथा भएकोमा सच्याइएको छ–सं.)