+
+

कल बाइपास सेन्टर चलाएको आरोपमा भारतीय नागरिक पक्राउ

अनलाइनखबर अनलाइनखबर
२०७९ असार ८ गते १०:२६

८ असार, काठमाडौं । कल बाइपास गरेको आरोपमा एक जना भारतीय नागरिक पक्राउ परेका छन् । भारतको उत्तर प्रदेश, नपुर जिल्लाको थाना बादशाहपुर, ग्राम टेलाकुवा बस्ने वर्ष ३८ वर्षीय ईरफान सुफियान खान पक्राउ परेका हुन् ।

उनले पर्साको वीरगञ्ज महानगरपालिका-२ मा कोठा भाडामा लिई विभिन्न इलेक्ट्रोनिक मेसिनहरू जडान गरी कल वाइपास सेन्टर संचालन गरेको पाइएको प्रहरीको भनाइ छ ।

कल बाइपास सेन्टर खोलेको सूचनाका आधारमा मंगलबार साँझ साइबर ब्यूरो र जिल्ला प्रहरी कार्यालय पर्साबाट खटिएको टोलीले उनलाई कोठाबाटै पक्राउ गरेको हो ।

उनको साथबाट कल बाइपास गर्न प्रयोग भएका ६ प्रकारका १०२ थान इलेक्ट्रोनिक मेसिनहरू बरामद गरिएको प्रहरीले जनाएको छ ।

पक्राउ परेका सुफियान खानलाई दुर सञ्चार ऐन २०५३ अन्तर्गतको कसुरमा अनुसन्धान सुरु गरिएको प्रहरीको भनाइ छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?