+
+

कवि अभिलाषीको ‘मौलामा बाँधिएको राँगो’ को गृह विमोचन

अनलाइनखबर अनलाइनखबर
२०७९ असार ११ गते १६:५३

११ असार, दाङ । कवि नविन अभिलाषीको कृति ‘मौलामा बाधिएको राँगो’को गृह विमाचोन गरिएको छ । यसअघि काठमाडौंमा उक्त कृतिको विमोचन कवि एवं समालोचक डा. अमर गिरीले गरेका थिए ।

उदाहरण समूह नेपालको आयोजनामा कवि अभिलाषीको उक्त कविता संग्रहको शनिबार गृह जिल्लामा विमोचन गरिएको हो । त्यसै अवसरमा कृतिमाथि विर्मश समेत गरिएको छ । कृतिबारे बोल्दै समालोचक टीकाराम उदासीले कविताले समकालिन समाजको यथार्थ चित्रण गरेको बताए ।

‘कवितामा समाकालीन यथार्थका बिम्बहरु झल्किएको छ’ उनले भने, ‘केही कविता निराशावादी देखिन्छन् । तर कविताको मूल स्वर आशावादी छ, परिवर्तनका पक्षमा छन् ।’ कृतिले समकालीन समाजको कुरुप बिम्ब उठाउदै सामाजिक विकृतिमाथि प्रहार र गहिरा प्रश्न गरेको बताए ।

कवि अभिलााषीले कवितामा समाजमा व्याप्त जात व्यवस्था, अन्याय, सामाजिक र राजनीतिक विकृतिमाथि प्रश्न गर्दै त्यसलाई बिम्बका रुपमा उतार्न खोजेको बताए । उनले कवितामा आफूले वर्तमान समाजको चित्रण देखाउन खोजेको बताए ।

‘हामी बाँचेको समाज कस्तो छ, त्यही कुरा कविताबाट भन्न खोजेको छु’ उनले भने ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?