पुष्प र विनाको अभिनयमा रामकृष्ण निरौलाको ‘ओए कमला’

काठमाडौं । गायक रामकृष्ण निरौलाले ‘ओए  कमला’ बोलको गीत सार्वजनिक गरेका छन् । विक्रम केसीको शब्द र सुनिल रोक्काको संगीत रहेको गीतमा गायक निरौलालाई गायनमा काव्य आचार्यले साथ दिएकी छन् ।

प्रहिल कार्कीले निर्देशन गरेको डान्सिङ शैलीको गीतको भिडियोमा अभिनेता पुष्प खड्का र विना राउत फिचर्ड छन् ।

भिडियोमा सुरेन्द्र बसेलको कोरियोग्राफी, उत्तम हुमागाईंको छायांकन र माधव बेल्बासेको सम्पादन रहेको छ ।