महालक्ष्मी विकास बैंकद्वारा विद्यालयमा खानेपानीको धारा निर्माण

काठमाडौं । महालक्ष्मी विकास बैंक लिमिटेडले भक्तपुरको चाँगुनारायण नगरपालिका-६ नगरकोटस्थित वेशीटोलमा रहेको चेतना आधारभूत विद्यालयमा खानेपानीको धारा निर्माण गरेको छ ।

सामाजिक उत्तरदायित्व कार्यक्रम अन्तर्गत बैंकले बालमैत्री खानेपानीको धारा निर्माण गरी विद्यालयलाई हस्तान्तरण गरेको छ ।

विद्यालयमा आयोजित एक कार्यक्रमका बीच भक्तपुर शाखाका प्रबन्धक अनु श्रेष्ठले उक्त धारा विद्यालयलाई हस्तान्तरण गरेकी हुन् । धारा निर्माण भएसँगै विद्यालयमा अध्ययनरत बालबालिकाहरुले स्वस्थ पिउने पानी उपलब्ध हुने विश्वास बैंकले लिएको छ ।