+
+

मनिषा कोइराला र कार्तिक आर्यनको ‘शाहजादा’ भ्यालेन्टाइन डेमा आउने

अनलाइनखबर अनलाइनखबर
२०७९ साउन १ गते १०:५१

काठमाडौं । कार्तिक आर्यन र कृति सेनन स्टारर ‘शाहजादा’को प्रदर्शन मिति घोषणा भएको । मनिषा कोइरालाको समेत मुख्य भूमिका रहेको फिल्म १० फेब्रुअरी २०२३ मा रिलिज हुने भएको छ ।

रोहित धवन निर्देशित यो फिल्म अब भने प्रेम दिवस अर्थात् भ्यालेन्टाइन डेको छेकोमा प्रदर्शन हुनेछ । यो फिल्म अल्लु अर्जुन र पूजा हेगडे स्टारर दक्षिण भारतीय ‘अला बैकुण्ठपुरमलो’को हिन्दी रिमेक रहेको बताइएको छ ।

टी सिरिजले निर्माण गरेको फिल्मलाई भारत र मौरिससमा छायांकन गर्ने जनाइएको छ । यो कमेडी एक्सन फिल्मले दुई शिशुको कथा पेश गर्छ । धनी परिवारको शिशुलाई गरिब परिवारमा साटिंदा यसले ल्याउने उतारचढावको कथा यसमा समेटिएको छ ।

फिल्ममा परेश रावल, रोनित रोय लगायतको समेत अभिनय छ । भारतीय सञ्चारमाध्यमसँग कुरा गर्दै कार्तिकले आफूले अहिलेसम्म नगरेको भूमिका यो फिल्म गर्न लागेकाले उत्साहित रहेको बताएका थिए ।

मनिषाले गत साता मात्र सञ्जयलीला भन्सालीको नेटफ्ल्क्सि सिरिज ‘हीरामण्डी’को सेट ज्वाइन गरेकी थिइन् । बलिउड मूलधारको महत्वपूर्ण फिल्म ‘शाहजादा’लाई मनिषाको महत्वपूर्ण फिल्म मानिएको छ । उनी पछिल्लोपटक राजकुमार हिरानीको ‘सञ्जु’मा देखिएकी थिइन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?