+
+

वैज्ञानिकले बनाए अनौठो टाटु, बिरामी हुनु अगाडि नै बताइदिने

अनलाइनखबर अनलाइनखबर
२०७९ साउन २१ गते १२:३९

वर्तमान युगमा विज्ञानले निकै धेरै प्रगति गरिसकेको छ । वैज्ञानिकहरूले कैयन् असम्भव लाग्ने चिजहरूलाई सम्भव बनाएर देखाइदिएका छन् । मानिसको जीवन पहिलेभन्दा निकै सहज बनेको छ । मानिसको स्वास्थ्य र रोगका सम्बन्धमा पनि धेरै अनुसन्धान भएका छन् । यद्यपि अहिलेसम्म पनि कतिपय रोगहरुको पूर्ण उपचार अहिलेसम्म पनि पत्ता लाग्न सकेको छैन ।

रोग लागेर उपचार गर्नुभन्दा रोकथाम नै उत्तम उपाय हो । मानिस बिरामी पर्नु अगाडि त्यसका प्रारम्भिक लक्षणहरू द्येखिएका हुन्छन्, जसलाई बेवास्ता गरियो भने रोगले गम्भीर अवस्थामा पुर्‍याँछ । हामीले हाम्रो शरीरमा रोगका सूचकहरू बारेमा थाहा नपाउन वा नजरअन्दाज गर्न पनि सक्दछौं । तर वैज्ञानिकहरुले यस्तो टाटुको विकास गरेका छन् जले मानिसको शरीरको स्वास्थ्यका बारेमा बताइदिनेछ ।

उक्त टाटुले मानिस बिरामी हुनु भन्दा अगाडि नै सूचित गर्नेछ । शरीरमा कुनै पनि उपकरण नलगाइकनै उक्त टाटुले मानिसको बिमारको पूर्वसूचना दिनेछ ।

दक्षिण कोरियाली वैज्ञानिकहरुले मानिसको स्वास्थ्य तथा बिमारी पत्ता लगाउने टाटुको विकास गरेका हुन् ।

न्युयोर्क पोस्टमा प्रकाशित रिपोर्ट अनुसार दक्षिण कोरियाली वैज्ञानिकहरू एक अनौठो डिभाइस बनाउने काममा जुटिरहेका छन् । यो डिभाइस मानिसको सरीरमा टाटुको रुपमा रहनेछ र यसले सरीरको अवस्थाको बारेमा जानकारी दिनेछ । मानिस बिरामी हुनु अगावै यसले मानिसलाई तत्कालै सूचना दिनेछ ।

कोरियन एडभान्स इन्स्टिच्युट अफ साइन्स एण्ड टेक्नोलोजीका वैज्ञानिकहरुले एक विद्युतीय टाटु मसी तयार गरिरहेका छन् । तलर धातु तथा कार्वन नानोट्युबको प्रयोग गरी उक्त टाटु मसी तयार गरिएको छ । यसले बायो इलेक्ट्रोडको रुपमा काम गर्नेछ । उक्त टाटुलाई इसीजी डिभाइससँग जोडिनेछ । त्यसपछि यसले मानिसको मुटुको अवस्थाका बारेमा बताउनेछ । त्यसका अलावा रगतमा ग्लुकोजको मात्राको बारेमा पनि जानकारी दिनेछ ।

रिपोर्ट अनुसार शोधकर्ताहरु यसको बायोसेन्सरको प्रयोग गर्न चाहन्छन् । जसबाट यो प्रविधि अझै धेरै हाइटेक हुनेछ ।

यो परियोजनाका प्रमुख स्टिभ पार्कका अनुसार भविष्यमा टाटु मसीसँगै एक वायरलेस चिप पनि जडान गरिनेछ जसले बाहिरी डिभाइसमा सिग्नल पठाउनेछ । यसबाट मानिसको शरीरका बारेमा सबै कुरा पत्ता लगाउन सकिनेछ । उक्त चिपले सिग्नल पठाउने मनिटरलाई घरमै पनि जडान गर्न सकिनेछ । यो मसीको टाटु एकपटक खोपिसकेपछि मेटाउन सकिने छैन । किनकी यो मसीलाई ग्यालियम जस्ता पदार्थ मिलाएर तयार गरिएको हुन्छ ।

एजेन्सी

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?