+
+

गुप्तचरमा दुईजना अतिरिक्त मुख्य अनुसन्धान निर्देशकमा बढुवा, १ नम्बरमा थापा

अनलाइनखबर अनलाइनखबर
२०७९ साउन २६ गते २०:२०

२६ साउन, काठमाडौं । सरकारले राष्ट्रिय अनुसन्धान विभागको अतिरिक्त मुख्य अनुसन्धान निर्देशकमा हुतराज थापा र ओम जोशीलाई बढुवा गरेको छ ।

बिहीबार बसेको मन्त्रिपरिषद् बैठकले थापा र जोशीलाई राष्ट्रिय अनुसन्धान विभागको एआईजी सरहको पदमा बढुवा गरेको एक मन्त्रीले अनलाइनखबरलाई बताए । थापा तेस्रो नम्बर वरियताका प्रतिष्पर्धी थिए ।

थापा हाल राअविको राजधानी प्रमुख थिए भने जोशी मधेश प्रदेशको कमाण्ड गरिरहेका थिए । हालका राअवि प्रमुख यदुलाल खरेलले २३ भदौबाट अवकाश पाउँदैछन् ।

हालकै व्यवस्था कायम रहे अहिले एक नम्बरमा बढुवा भएका थापा नै गुप्तचरको प्रमुख नियुक्त हुनेछन् ।

यसअघि सरकारले ६ दिनका लागि मुख्य अनुसन्धान निर्देशक पदमा कुलदेव थापालाई बढुवा गरेको थियो । उनले अवकाश पाएपछि एउटा दरबन्दी खाली थियो, त्यसमा एक दरबन्दी फेरि थपेर दुईजनालाई बढुवा गरिएको हो ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?