सुन-चाँदीको मूल्य घट्यो, कतिमा भइरहेको छ कारोबार ?

३० साउन, काठमाडौं । सोमबार सुन र चाँदीको मूल्य घटेको छ । नेपाल सुनचाँदी व्यवसायी महासंघका अनुसार सुनको मूल्य तोलामा ४ सय र चाँदीको मूल्य तोलामा १५ रुपैयाँले घटेको छ ।

सोमबार छापावाल सुनको मूल्य तोलामा ९७ हजार ४ सय र तेजावी सुनको मूल्य ९६ हजार ९ सय रुपैयाँ तोकिएको छ । आइतबर छापावाल सुनको प्रतितोला मूल्य ९७ हजार ८ सय र तेजावी सुन ९७ हजार ३ सय रुपैयाँमा कारोबार भएको थियो ।

सोमबार चाँदीको मूल्य तोलामा १ हजार २३५ रुपैयाँ कायम भएको छ । आइतबर चाँदीको मूल्य एक हजार २५० रुपैयाँमा चाँदीको खरिद बिक्री भएको थियो ।