+
+

प्रश्नवाचकको बिदाइ, समयलाई सञ्चो

डा. ईश्वरमणि अधिकारी डा. ईश्वरमणि अधिकारी
२०७९ भदौ १५ गते १५:५९

अहँ

मलाई कहिल्यै लागेन

मार्क्स मरे, कहिल्यै लागेन

गान्धी, बीपी

बुद्ध या किसुनजी

लागेन कि तिनीहरू मरे

आस्था, इमान्दारिता

दर्शन, चिन्तन र सदाचार

लाग्दैन कि कहिल्यै मर्छ ।

यो समाज

जहाँ ती सब मृत प्रायः छन्

बाँचेकै पो कहिले थिए र ?

विचारको त्यही घरमा बसेर

आफ्नैहरूका विरुध्द खबरदारी

खै, अब कसले गर्छ ?

समयलाई

सञ्चो भयो होला

एउटा प्रश्नवाचक

बिदा भयो

सदाका लागि ।

केही मान्छेहरू

अस्ति नै देखि

श्रध्दाञ्जली लेखिरहेथे

कति हतार हुन्छ है

मृत्यु खबर लेख्न मान्छेहरूलाई

जो सधैं अमर छ विचारले

उसको मृत्यु हुँदैन

बस्,

बिदा भयो एउटा प्रश्नवाचक

अनन्त प्रश्नहरू

अनुत्तरित नै छाडेर

समयलाई

सञ्चो भयो होला ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?