+
+

आयोजक कतारको लगातार दोस्रो हार, सेनेगलको सम्भावना कायमै

अनलाइनखबर अनलाइनखबर
२०७९ मंसिर ९ गते २१:०६

९ मंसिर, काठमाडौं । आयोजक कतारले घरेलु मैदानमा भइरहेको फिफा विश्वकप फुटबलमा लगातार दोस्रो हार बेहोरेको छ ।

मोहमेद मुन्तारीले कतारका लागि विश्वकप फुटबलमा पहिलो गोल गरे पनि समूह ए को खेलमा कतार सेनेगलसँग ३-१ ले पराजित भयो । कतार उद्घाटन खेलमा इक्वेडरसँग २-० ले पराजित भएको थियो ।

विश्वकपको ९२ वर्षे इतिहासमा उद्घाटन खेल हार्ने पहिलो टिमको खराब कीर्तिमान बनाएको कतार लगातार दुई हारपछि समूह चरणबाटै बाहिरिने लगभग पक्का छ ।

आयोजकको रुपमा समूह चरणमा एक भन्दा बढी खेल हार्ने कतार पहिलो आयोजक टोली समेत बनेको छ ।

कतारले अब नेदरल्याण्ड्ससँग अन्तिम खेल खेल्न बाँकी छ । उता पहिलो खेलमा पराजित भएको सेनेगल जारी विश्वकपमा जित निकाल्ने अफ्रिकाको पहिलो टिम बनेको छ । पहिलो खेलमा सेनेगल नेदरल्याण्ड्ससँग पराजित भएको थियो ।

कतारलाई हराएपछि सेनेगलको नकआउट चरणमा पुग्ने सम्भावना जिवितै छ ।

यस समूहका नेदरल्याण्ड्स र इक्वेडरबीचको खेल आजराति हुँदैछ । उक्त खेल नेदरल्याण्ड्स विजयी भए वा खेल बराबरी भए कतार अन्तिम खेलअघि नै औपचारिक रुपमै बाहिरिनेछ ।

अल थुमामा रंगशालमा भएको खेलमा सेनेगललाई जित दिलाउन बोउलाये डियाले ४१औं, फामारा डाइधिउले ४८औं र बाम्बा डियाङले ८४औं मिनेटमा गोल गरे । कतारका लागि मुन्तारीले ७८औं मिनेटमा सान्त्वना गोल गरे । मुन्तारीको गोल विश्वकपमा कतारको पहिलो गोलको रुपमा भने सम्झिइनेछ ।

 

Results

२०८० माघ १८, बिहीबार
2 - 1
२०८० माघ १७, बुधबार
1 - 0
२०८० माघ १६, मंगलबार
1 - 0
२०८० माघ १५, सोमबार
1 - 1
२०८० माघ १४, आइतबार
0 - 3
२०८० माघ १३, शनिबार
0 - 2
२०८० माघ १२, शुक्रबार
2 - 0
२०८० माघ ११, बिहीबार
0 - 1
२०८० माघ १०, बुधबार
0 - 1
२०८० माघ ९, मंगलबार
1 - 2
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?