+
+

उपत्यका आसपासका ९ वनभोज गन्तव्य : के छ सुविधा, कति शुल्क ? 

सुमित्रा लुइटेल सुमित्रा लुइटेल
२०७९ मंसिर १४ गते १३:५२

काठमाडौं । वर्षमा एक दिन साथीभाइ, छिमेकी, आफन्तसँग घरबाट निस्किएर वनभोज जाने प्रचलन छ । कार्यव्यस्तताबाट केही समयका लागि विश्राम लिएर उन्मुक्त रमाउन कहाँ जाने त ?

काठमाडौं आसपासका केही रोज्जा गन्तव्य छन्, जहाँ वनभोज जान सकिन्छ ।

गोकर्ण पार्क, जगडोल

काठमाडौंबाट एकदमै नजिक रहेको रमणीय पिकनिक स्पट हो गोकर्ण पार्क । जोरपाटीबाट तीन किलोमिटरको दूरीमा हरेको यो पिकनिक स्पट ६५० रोपनीमा फैलिएको छ । ठूलो जंगल र वरपर घुम्नको लागि राम्रो वातावरण भएको यस पार्कमा पहिले नै यो स्थानमा पिकनिक आएको मान्छेलाई दोस्रो पटकमा केही छुटको पनि व्यवस्था छ ।

सुविधा

पार्किङ : पर्याप्त

खानेपानी : मूलको पानी

शौचालय : ४ वटा

पिकनिक शुल्क : खुल्लाको २३ सय, सेडको ३३ सय रुपैयाँ

सम्पर्क : ९८६०४६७५०१

स्वीट्जरल्याण्ड पार्क

चन्द्रागिरि नगरपालिकामा पर्ने स्वीट्जरल्याण्ड पार्क पनि नजिकै रहेको पार्क हो । अग्लो ठाउँमा जंगलको बीचमा रहेको यो पार्कमा अन्यत्रको तुलनामा बढी सुविधा र एउटै शुल्क रहेको व्यवस्थापन पक्षले जनाएको छ । कलंकीबाट आठ किलोमिटरको दूरीमा रहेको स्वीट्जरल्याण्ड पार्कबाट काठमाडौंको मनोरम दृश्य नियाल्न सकिन्छ ।

सुविधा

पार्किङ : सडक किनारमा

खानेपानी : पिउनको लागि किन्नुपर्ने, खाना पकाउन भाडाबाटै

शौचालय : ४ वटा महिला र ४ वटा पुरुषको लागि

पिकनिक शुल्क : सबै स्पटको लागि ३२ सय रुपैयाँ

सम्पर्क : ९८४९५९७८३३

घ्याम्पे डाँडा, रानीकोट भक्तपुर

कोटेश्वरबाट १४ किलोमिटरको दूरीमा रहेको यो घ्याम्पे डाँडा पिकनिक स्पट काठमाडौंबाट नजिकै पर्ने व्यस्त पिकनिक स्पटमध्येको एक हो । यहाँबाट काठमाडौं उपत्यकालाई एकदमै राम्ररी नियाल्न सकिन्छ । पिकनिक स्पटबाट १५ मिनेटको पैदलयात्रामा पाइलट बाबा आश्रम पनि पुग्न सकिन्छ ।

सुविधा

पार्किङ  : पर्याप्त

पानी : खाना पकाउन र भाँडा माझ्नको लागि उपलब्ध, खानेपानी किन्नुपर्ने

शौचालय : एउटा मात्र

पिकनिक शुल्क : प्रतिस्पट १० हजार रुपैयाँ

सम्पर्क : ९८०८२२२०३८

त्रिभुवन पार्क

त्रिभुवन पार्कभित्र १५ वटा पिकनिक स्पट छन् । कलंकीबाट ६ किलोमिटरको दूरीमा रहेको यो ठाउँ त्रिभुवन राजपथसँगै पर्ने भएकाले आवतजावतमा सहज छ ।

सुविधा

पार्किङ : पर्याप्त

खानेपानी : खाना पकाउन निःशुल्क, पिउने पानी किन्नुपर्ने

शौचालय : हरेक स्पटका लागि छुट्टाछुट्टै

बिजुली : छ

पिकनिक शुल्क : मानिसको क्षमता अनुसार १ हजार ५०० रुपैयाँदेखि ३ हजार ५०० रुपैयाँसम्मका स्पट

सम्पर्क नम्बर : ९८२३७७८३३९

धुलिखेल

काठमाडौंको कोटेश्वरबाट २५ किलोमिटरको दूरीमा रहेको धुलिखेल पिकनिकका लागि व्यस्त स्थान हो । धुलिखेलको डाँडामा रहेको पिकनिक स्पटमा शुक्रबार र शनिबार मात्रै दैनिक औसत ३० समूह पिकनिकका लागि जान्छन् ।

सुविधा

पार्किङ : सडक किनारमा

खानेपानी : पिउनको लागि किन्नुपर्ने, खाना पकाउन उपलब्ध

शौचालय : स्पटैपिच्छे छैन, एकाध पाइन्छ

शुल्क : २ हजारदेखि ७ हजार रुपैयाँसम्म । २०–२५ जनाको लागि २ हजार र ३०० जनाको हाराहारीमा पिकनिक मनाउन आउनेलाई ७ हजार रुपैयाँसम्म लाग्ने

सम्पर्क : ९८१३०७४४९९

चोभार गल्छी

चोभार काठमाडौंको चक्रपथबाट सबैभन्दा कम दूरीमा रहेको पिकनिक स्पट हो । बल्खुबाट ४ किलोमिटरको दूरीमा रहेको यो क्षेत्रको पिकनिक स्पट मञ्जुश्री पार्क व्यवस्थापनले सञ्चालन गर्छ ।

सुविधा

पार्किङ : पर्याप्त

खानेपानी : पिउनको लागि किन्नुपर्ने, खाना पकाउन नपर्ने

शौचालय : २ वटा

शुल्क : २ हजार र ३ हजारको गरी दुई किसिमका स्पट

सम्पर्क : ०१४३३५९२५

सूर्यचौर, नुवाकोट

काठमाडौं नजिक रहेको अर्को रमणीय पिकनिक स्पट सूर्यचौर पनि हो । सामाखुसीबाट १६ किलोमिटरको दूरीमा रहेको यो पिकनिक स्पट नुवाकोट जिल्लामा  पर्छ । सूर्यचौरबाट लाङटाङ, गणेश, मनास्लु, जुगल, हेलम्बु लगायत हिमालको दृश्य अवलोकन गर्न सकिन्छ । फराकिलो ठाउँ र शुल्क पनि अन्यन्त्रको तुलनामा कम भएकाले यहाँ पिकनिक आउनेहरुको संख्या बढ्दो छ ।

सुविधा

पार्किङ : पर्याप्त

खानेपानी : सुविधा छ

शौचालय : एउटा

पिकनिक शुल्क : १ हजारदेखि १ हजार ५०० रुपैयाँसम्म

सम्पर्क : ९८४२४५७७५१

गोदावरी

ललितपुरको गोदावरी पिकनिक जानेहरुका लागि रोजाइको गन्तव्य हो । सातदोबाटोबाट आठ किलोमिटरको दूरीमा रहेको यो गोदावरीमा शान्त र हरियाली वातावरणमा वनभोजको मज्जा लिन सकिन्छ । यहाँ धेरैवटा पिकनिक स्पट रहेका छन् ।

सुविधा

पार्किङ : सडकमा

खानेपानी : पिउने र खाना बनाउने पानीको सुविधा

शौचालय : अपर्याप्त (अधिकांशमा शौचालय नै छैन)

पिकनिक शुल्क : ३०० रुपैयाँदेखि ७०० रुपैयाँसम्म

सम्पर्क : ०१–५१७४१४६

नगरकोट

भक्तपुर र काभ्रेको सीमामा रहेको नगरकोट क्षेत्र पिकनिकका लागि रुचाइने अर्को गन्तव्य हो । स्वदेशी तथा विदेशी पर्यटकहरुको घुइँचो लागिरहने नगरकोटमा १० वटा पिकनिक स्पट छन् ।

सुविधा

पार्किङ : पर्याप्त

खानेपानी : सुविधा छ

शौचालय : २ वटा

शुल्क : ३ हजारदेखि ५ हजार रुपैयाँसम्म

लेखकको बारेमा
सुमित्रा लुइटेल

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?