अस्ट्रेलियन ओपनको दोस्रो चरणबाटै बाहिरिए साविक विजेता नाडाल

४ माघ, काठमाडौं । दोस्रो वरीयताका स्पेनिस सुपरस्टार रफायल नाडालले अस्ट्रेलियन ओपनको दोस्रो चरणबाटै बाहिरिएका छन् । उनी अघिल्लो संस्करणको विजेतासमेत हुन् ।

बुधबार भएको खेलमा २७ वर्षीय अमेरिकी खेलाडी म्याकेन्जी म्याकडोनाल्डसँग ३–० को सोझो सेटमा पराजित भएका हुन् ।

गत वर्ष चारमध्ये दुई ग्राण्डस्लाम उपाधि जितेका नाडालका लागि वर्षको पहिलो ग्राण्डस्लाम नै खराव बनेको छ । उनले ४–६, ४–६ र ५–७ को सेटमा म्याकडोनाल्डसँग खेल हारेका हुन् ।