प्रकाश ज्वालाको विश्वास : प्रधानमन्त्रीको पार्टीले त गुन तिर्ला

५ माघ, काठमाडौं । एकीकृत समाजवादीका नेता प्रकाश ज्वालाले प्रधानमन्त्रीलाई विश्वासको मत दिएर लगाएको गुन तिर्ने बेला आएको बताएका छन् ।

सभामुखमा नेपाली कांग्रेसका उम्मेदवार ईश्वरी न्यौपानेका समर्थक रहेका ज्वालाले बिहीबार संसदको बैठकमा अन्य दलहरुसँग मत मागेका हुन् । प्रधानमन्त्री पुष्पकमल दाहाल प्रचण्डले पाएको जस्तै मत सभामुखमा नेपाली कांग्रेसका उम्मेदवार ईश्वरी न्यौपानेले पाउनुपर्ने उनले  बताए । एकीकृत समाजवादी संसदीय दलका प्रमुख सचेतक ज्वालाले भने, ‘कम्तीमा सम्माननीय प्रधानमन्त्रीजीको पार्टीले त गुन तिर्ला भन्ने विश्वास छ ।’

सभामुखमा सत्तारुढ गठबन्धनबाट एमालेका देवराज घिमिरे उम्मेदवार छन् । प्रधानमन्त्रीको दल माओवादी केन्द्रका हितराज पाण्डे घिमिरेका समर्थक छन् ।