+
+
कविता :

भाग्यशालीको कविता

सुरेश राई सुरेश राई
२०७९ फागुन २० गते २१:१८

इन्फिनिटीमा गएर मिलन हुन्छ रे
दुई समानान्तर रेखाहरूको
विश्वास गरेर बसेछ
वर्षौं वर्ष
विचरा विश्वासी !
————
इन्फिनिटी भनेको कहिल्यै नआउने गन्तव्य हो
कठै त्यो नादानी !
एउटा रेखामा भविष्य संगालेर दौडेछिन् उनी
अर्को रेखामा ऊ माया चेपेर दौडेछ
अनन्तमा भेट्ने सपना तुनेर
बरा विचरा ती दुई !
———–
प्रेम र भविष्य किन सँगसँगै कुद्दैन हँ?
किन दुइटामा एउटा पछाडि छुट्छ अक्सर ?
कठै अभागी !
ज्ञानीहरू भन्छन्
एउटा अभागीको भागमा
अर्को अभागी पर्नु पनि
एउटा भाग्यकै कुरा हो ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?