News Summary
Generated by OK AI. Editorially reviewed.- सुन्दरहरैंचा–६, दुलारी, मोरङका एक कविले जीवन, सपना, समानता र अवरोधविरुद्ध संघर्षको भाव समेटिएको कविता प्रस्तुत गरेका छन्।
मैले खोसेको छैन
तिम्रो जीवन
र तिम्रो सपना
तिमी मखमली फूल जस्तै बाँच
तिम्रो जीवनसँग
मेरो कुनै गुनासो छैन ।
तिमी जूनको
उज्यालो छर या नछर
बत्ती जस्तै बलिरहेछन्
आकाशका ताराहरू
तारा टिप्ने तिम्रो चाहना
पूरा होला या नहोला
म कामना गर्छु
टिपेर खोकिलामा राख
बाँड सहेलीहरूलाई
उज्यालो छर्न सकोस्
अँधेरी रातको साम्राज्य भत्काउँदै
तिमीले टिपेका ताराहरूले ।
म गन्तव्यहीन यात्री हैन
मेरो यात्रामा अवरोध हालेर
मेरो यात्रा विथोल्ने
प्रपञ्च नगर
म वेग हूँ संग्रामको
म रुक्ने छैन
तिम्रो अवरोधले
म जित निकालेर
आमाको आशीर्वाद थाप्दै
गाउनेछु तिम्रो अहंकारको गीत ।
तिम्रो जिन्दगी
तिमीलाई प्यारो लाग्ला
जीवन बाँचिरहने मृगतृष्णाले
तिम्रो बेचैनी बढ्ला
तिमी अजम्बरी छैनौ
एक दिन देह त्याग्नुपर्ला ।
मलाई मेरो जिन्दगी
अप्रिय लाग्छ
तथापि
म अप्रिय जिन्दगीकै बिचबाट
जिन्दगीको उज्यालो खोजिरहेछु
हराइरहेछन् सपनाहरू
सपनाको खोजीमा
गुमिरहेका छन् विपनाहरू ।
हेक्का छ कि छैन तिमीलाई ?
मैले मागेथें
क्षितिजको घाम
मागेथें गोधूलि साँझ
खै, मेरो हातमा क्षितिजको घाम ?
खै, मेरो हातमा गोधूलि साँझ ?
तिम्रो निर्दयता
आँसु बनेर बगिरहेछ
म जीवनको सङ्गीन मोडमा उभिएको छु
मैले बाल्नु छ समानताको दीप
फिर्काउनु छ तिम्रो खोसिएको खुशी
र गाउनु छ अप्रिय जीवनको गीत ।
सुन्दरहरैंचा–६, दुलारी, मोरङ
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4