द टीबीसी बास्केटबलको उपाधि जेभियर इन्टरनेशनल कलेजलाई

काठमाडौं । द ब्रिटिस कलेजले आयोजना गरेको ‘द टीबीसी बास्केटबल प्रतियोगिता–२०२३’ को उपाधि जेभियर इन्टर नेशनल कलेजले जितेको छ ।

जितसँगै जेभियर इन्टर नेशनल कलेजले नगद ५० हजार राशी हात पारेको छ भने उपविजेता बनेको हेराल्ड कलेजले नगद २५ हजार जितेको छ ।

प्रतियोगितामा सर्वाधिक स्कोररको अवार्ड हेराल्ड कलेजका तेन्जिन शेर्पाले जिते । उत्कृष्ट प्रशिक्षकको अवार्ड जेभियर इन्टरनेशनल कलेजका निर्पेश श्रेष्ठले पाए । त्यस्तै उत्कृष्ट खेलाडीको अवार्ड जेभियर इन्टरनेशनल कलेजका खेलाडी तेन्जिन भुटियाले जिते ।

२६ फ्रेब्रुअरीदेखि सुरु भएको प्रतियोगितामा २० वटा कलेजको सहभागिता रहेको द ब्रिटिस कलेजले जनाएको छ ।