गुरुपूर्णिमा व्यासले दियो सार्वजनिक बिदा

१७ असार, काठमाडौं । तनहुँको व्यास नगरपालिकाले व्यास अवतरण (गुरुपूर्णिमा) का अवसरमा सोमबार सार्वजनिक बिदा दिएको छ ।

नगरपालिकाले विगत वर्ष झै यस वर्ष पनि उक्त दिवसमा सार्वजनिक बिदा दिने निर्णय गरेको हो ।

गुरुपूर्णिमाका अवसरमा कार्यालय परिसरमा व्यास अवतरण दिवस मनाउने कार्यक्रम रहेको छ ।

सोमबार बिहान ६ः३० बजे नगरपालिका परिसरमा विविध कार्यक्रम गरि व्यास अवतरण मनाइने नगरप्रमुख बैकुण्ठ न्यौपानेले जानकारी दिए ।

सोमबार नगरपालिका तथा नगरपालिका अन्तर्गतका कार्यालय, सामुदायिक एवं संस्थागत शैक्षिक संस्था, स्वास्थ्य संस्था (अत्यावश्यक सेवा बाहेक) र नगरपालिका मातहतका संघसंस्था बन्द रहने प्रमुख प्रशासकीय अधिकृत गंगालाल सुवेदीले जानकारी दिए ।