३ साउन, काठमाडौं । इंग्लिस फरवार्ड मार्कुस रासफोर्डले म्यानचेस्टर युनाइटेडसँग लामो समयको सम्झौतामा हस्ताक्षर गरेका छन् ।
नयाँ सम्झौतापछि रासफोर्ड सन् २०२८ सम्म युनाइटेडमै रहने पक्का गरेका हुन् । जसमा उनले प्रत्येक हप्ता ३ लाख २५ हजार पाउण्ड पाउनेछन् ।
२५ वर्षी रासफोर्ड नयाँ सम्झौताको विषयमा युनाइटेडसँग छलफलमा थिए । उनको सम्झौता सन् २०२४ मा सकिंदै थियो ।
प्रशिक्षक इरिन टेन हगको नेतृत्वमा रासफार्डले युनाइटेडमा प्रभावकारी प्रदर्शन गर्दै गत सिजन ५६ खेलमा ३० गोल गरेका थिए ।
सन् २०१६ मा मिट्जिलान्डविरुद्ध डेब्यु गरेयता रासफोर्डले ३५९ खेलमा १२३ गोल गरेका छन् ।
‘मै एउटा सपना सहित ७ वर्षको उमेरमा युनाइटेड आएको थिए । सोही जोश, गर्व र प्रतिबद्धताले अझै मलाई अघि बढाइरहेको छ । यस क्लबको जर्सी लगाउन पाउनु गर्वको विषय हो,’ रासफोर्डले भनेका छन्,‘यस क्लबसँग मेरा केही अविश्वसनीय क्षण रहि सकेका छन् । तर अझै धेरै प्राप्ति गर्न बाँकी छ । आउने वर्षमा अझ धेरै उपाधि जित्नका लागि लगातार प्रतिबद्ध छु ।’
रासफोर्डका लागि फ्रान्सका पेरिस सेन्ट जर्मेनहसित युरोपका क्लबले चासो देखाएका थिए । तर उनले युनाइटेडमै आफ्नो प्रतिबद्धता देखाउँदै सम्झौता थप गरेका हुन् ।
प्रतिक्रिया 4