८ साउन, काठमाडौं । एसीसी इमर्जिङ टिम्स एसिया कप खेलेको नेपाली टिमले श्रीलंकामा थप १५ दिनको विशेष प्रशिक्षण लिने भएको छ ।
त्यसका लागि नेपालमा रहेका तीन खेलाडी ज्ञानेन्द्र मल्ल, करण केसी र आरिफ सेख पनि त्यसतर्फ जाने नेपाल क्रिकेट संघ (क्यान)ले जनाएको छ ।
खेलाडीहरुको भिसाको प्रक्रिया पूर भइसकेको र एक–दुई दिनभित्रै श्रीलंका पठाउने क्यानका कार्यबाहक सचिव दर्गाराज पाठकले जानकारी दिए ।
इमर्जिङ कपमा नेपालले युएई ए टिमलाई पराजित गरेको थियो भने भारत र पाकिस्तानका टिमसँग पराजित भएको थियो ।
त्यस्तै, नेपालले टी–२० एसिया क्वालिफर्यसका लागि अन्य ६ खेलाडीलाई प्रशिक्षणका लागि भारत पठाउने तयारी पनि गरेको छ ।
‘नाम हाल टुंगो लागि सकेको छैन । सेलेक्सन कमिटीले नाम छनोट गर्ने बित्तिकै हामी खेलाडीलाई भारत अथवा अन्य कुनै देश प्रशिक्षणमा पठाउने तयारीमा छौं ।’ पाठकले अनलाइनखबरसँग भने ।
प्रतिक्रिया 4