आरजुलाई गगनको जवाफ : प्रतिवेदन पार्टीका साथीहरुको ‘विसलिष्ट’ हो

८ साउन, काठमाडौं । नेपाली कांग्रेसका महामन्त्री गगन थापाले सभापति शेरबहादुर देउवा पत्नी आरजु राणालाई जवाफ फर्काएका छन् ।

कांग्रेस केन्द्रीय कार्य समिति बैठकमा राणाले महामन्त्रीले प्रस्तुत गरेको प्रतिवेदन ‘एनजीओको विसलिष्ट’ जस्तो भनेकी थिइन् ।

आफ्नो पालोमा बोल्ने क्रममा थापाले केही साथीले प्रतिवेदनलाई ‘एनजीओको विसलिष्ट’ जस्तो भनेको भन्दै थपे, ‘एनजीओमा काम नगरेको हुनाले त्यति अनुभव त छैन । तर यो आम पार्टी साथीहरुको ‘विसलिष्ट’ हो ।’

पार्टी संगठन सक्रिय बनाउने उद्देश्य आफ्ने प्रतिवेदनमा रहेका थापाले दाबी गरे ।

‘अहिलेको अवस्थाले पार्टी चल्दैन यसलाई सुधार्नै पर्छ । संगठन सक्रिय हुने सोचेर प्रस्तुत गरिएको हो,’ थापाले भने ।

यो पनि पढ्नुहोस

आरजुले भनिन् : महामन्त्रीको प्रतिवेदन एनजीओको ‘विसलिष्ट’ जस्तो भयो