नेटवर्किङ आरोपमा तीन कम्पनीमा इटहरी उपमहानगरले लगायो ताला 

२५ फागुन, विराटनगर ।अबैध रुपमा नेटवर्किङ धन्दा चलाएको भन्दै इटहरी उपमहानगरपालिकाले ३ वटा कम्पनीमा ताला लगाएको छ ।

अनुगमनपछि ग्लोबल ओरेन्स, हेल्दी लिभिङ नेपाल र रोयल एसोसियट नामक कम्पनीमा ताला लगाएको हो ।

कार्यालय बन्द गरेर तीन दिन भित्र कम्पनीका सञ्चालकलाई उपमहानगरमा उपस्थित हुन निर्देशन दिएको इटहरीका मेयर हेमकर्ण पौडेलले बताए ।

नेटवर्किङको नाममा ठगी धन्दा सुरु भएको उजुरी  परेपछि उपमहानगरले अनुगमन गरेको उनले बताए ।