टी–२० विश्वकप क्रिकेटको एसियाली छनोट खेल्न कुवेत नेपाल आउने

१८ असोज, काठमाडौं । कुवेतले अक्टुबर अन्तिममा हुने टी–२० विश्वकप क्रिकेटको एसियाली छनोट खेल्ने भएको छ ।

उपक्षेत्रीय एसिया छनोटको खेलमा आज बिहीबार साउदी अरेवियालाई ४ विकेटले हराउँदै कुवेतले नेपालको टिकट पक्का गरेको हो ।

जितका लागि पाएको १७४ रनको लक्ष्य कुवेतले ६ विकेट गुमाएर खेल सकिन १० बल बाँकी भेट्टायो ।

बहराइन, हङकङ र यूएई रहेको समूह बीमा परेको कुवेतले पहिलो खेल ३० अक्टुबरमा हङकङसँग खेल्ने छ ।

अर्को समूहमा भने आयोजक नेपालसहित ओमान, मलेसिया र सिंगापुर छन् ।

हरेक समूहका शीर्ष २ टिम सेमिफाइनलमा पुग्ने छन् भने फाइनल खेल्ने २ टिमले आउँदो वर्ष अमेरिका र वेष्ट इण्डिजमा हुने टी–२० विश्वकप क्रिकेटमा स्थान बनाउने छन् ।