दाङमा बसको ठक्करबाट एक जनाको मृत्यु

२५ असोज, दाङ । दाङमा बसको ठक्करबाट एक जनाको मृत्यु भएको छ ।

मृत्यु हुनेमा कपिलवस्तुको बाणगंगा नगरपालिका—४, घर भई दाङको भालुवाङ बस्ने २४ वर्षीय बिजय खनाल रहेका छन् ।

काठमाडौंबाट सुर्खेततर्फ गईरहेको ना ७ ख ५९७१ नम्बरको बसले बिहीबार बिहान बाटो काट्ने बेलामा खनाललाई ठक्कर दिएको थियो ।

गम्भीर घाइते भएका खनालको भालुवाङ अस्पतालमा उपचार गर्ने क्रममा मृत्यु भएको इलाका प्रहरी कार्यालय भालुवाङका प्रहरी निरीक्षक उज्वल सिंहले जानकारी दिए ।

प्रहरीले बस र चालक दुवैलाई नियन्त्रणमा लिएको छ ।