२८ असोज, काठमाडौं । कतारी बैंकर शेख जसिम बिन हमाद अल थानी प्रिमियर लिग क्लब म्यानचेस्टर युनाइटेड किन्ने प्रक्रियाको दौडबाट पछि हटेका छन् ।
बेलायती मिडिया बीबीसीका अनुसार शेख क्लब किन्ने दौडबाट बाहिरिएका हुन् ।
शेख जसिमले क्लब किन्का लागि ५ बिलियन पाउण्ड बिड गरेका थिए । तर यही साता भएको पछिल्ला चरणको छलफल सकारात्मक हुन सकेन । जसका कारण शेख पछि हटेको बीबीसीले जनाएको छ ।
हालको मालिक ग्लेजर परिवारले सन् २००५ मा ७९० मिलियन पाउण्डमा युनाइटेड खरिद गरेको थियो । उसले २०२२ नोभेम्बरमा क्लब बेच्ने घोषणा गरेको थियो ।
उक्त घोषणा पछि कतारी बैंकर शेख जसिम बाहेक बेलायती व्यापारी सर जिम रेटक्लिफको इनियोस समूह युनाइटेड किन्ने मुख्य व्यापारीको रुपमा देखिएका थिए ।
तर रेटक्लिफले पूरै क्लब नभएर केही सेयर मात्र किन्ने प्रस्ताव गरेको स्रोतले जनाएको बीबीसीले उल्लेख गरेको छ ।
गत वर्ष ग्लेजर परिवारले युनाइटेडलाई बेच्ने विचार गरिरहेको घोषणा गरेपछि क्लब किन्न चासो दिनेहरुको चलेको भए पनि शेख जसिम र इनियोसबाट मात्र प्रस्ताव आएको थियो ।
पछिल्लो समय युनाइटेडको खराब प्रदर्शनले गर्दा पनि क्लब किन्न चाहनेहरुको टाढिएको हुन सक्ने सम्भावना छ ।
युनाइटेडका समर्थकहरुले हालका मालिक ग्लेजर परिवार विरुद्ध घरेलु मैदान ओल्ड ट्राफोर्ड भित्र र बाहिर प्रदर्शन गर्दै आएका छन् ।
यस सिजन लिगमा १८ खेल खेल्दा युनाइटेड ४ जित ४ हारको नतिजाहसित १०औं स्थानमा छ । यस्तै च्याम्पियन्स लिगको सुरुवाती दुई खेलमा युनाइटेड पराजित भैसकेको छ ।
प्रतिक्रिया 4