धनगढीका दुई ठाउँमा फूल बिक्री केन्द्र स्थापना

२६ कात्तिक, धनगढी । सुदूरपश्चिम प्रदेशको अस्थायी राजधानी धनगढीमा दुई ठाउँमा फूल बिक्रि केन्द्र स्थापना गरिएको छ ।

धनगढी उपमहानगरपालिकाले फूल उत्पादक किसानका लागि दुई ठाउँमा फूल बिक्रि केन्द्र स्थापना गरेको हो ।

उपमहानगरपालिकाले आइतबार बोराडाँडीमा रहेको भाटभटेनी सुपर मार्केट र उपमहानगरपालिका कार्यालय परिसर अगाडि बिक्री केन्द्र स्थापना गरेको हो ।

नगर प्रमुख गोपाल हमालले उपमहानगरले स्थापना गरेको फूल बिक्री केन्द्रबाट सेवाग्राहीले सहज रुपमा फूल पाउने विश्वा व्यक्त गरेका छन् ।

धनगढीमा एक दर्जन बढि किसानले व्यवसायीक रुपमा फूल खेती गर्दै आएका छन् ।

किसानले उत्पादन गरेका फूल तिहारमा सहज रुपमा बिक्री गर्न सकियोस् भन्ने उद्देश्यले केन्द्र स्थापना गरि सहयोग गरेको उपमहानगरले जनाएको छ ।

धनगढी उपमहानगरपालिकाले विगत वर्षदेखि प्लास्टिकका फूलमालाको आयात र बिक्री वितरणमा रोक लगाएको छ ।