६ मंसिर, काठमाडौं । त्रिभुवन आर्मी क्लबका अलराउन्डर सोनु तामाङले क्रिकेटबाट सन्यासको घोषणा गरेका छन् ।
यस वर्षको पहिलो राष्ट्रिय प्रतियोगिताको रुपमा रहेको केपी ओली कप २०८० सुरु हुनु अघि उनले आफूले क्रिकेटबाट सन्यास लिएको घोषणा गरेका हुन् ।
२०१५ मा राष्ट्रिय टिमको बन्द प्रशिक्षणमा समेत अटाएका सोनुले भारतमा रहेर त्यहाँका घरेलु प्रतियोगिताबाट क्रिकेट करिअर सुरु गरेका उनले नेपालका घरेलु प्रतियोगिता पनि खेलेका छन् ।
उनले २६ वर्ष लामो क्रिकेट यात्रालाई विश्राम दिन लागेका हुन् । ३९ वर्षका सोनु प्रतियोगितामा टिमको रोजाइमा परे पनि प्राय उनी वैकल्पकि खेलाडीको रुपमा बेन्चमा सिमित हुन पुग्थे ।सोनुले आगामी दिनमा क्रिकेट प्रशिक्षणमा लाग्ने बताएका छन् ।
उनले क्रिकेटमा लाग्न प्रेरित गर्ने सबैलाई धन्यवाद दिँदै अब अर्को सुरुवातको रुपमा प्रशिक्षणमा पुन क्रिकेटमा फर्किने अनलाइनखबरलाई बताए ।
प्रतिक्रिया 4