डाबर नेपालद्वारा प्रधानमन्त्री दैवी प्रकोप उद्धार कोषमा २५ लाख सहयोग

काठमाडौं । डाबर नेपालले भूकम्प पीडितको राहतका लािग प्रधानमन्त्री दैवी प्रकोप उद्धार कोषमा २५ लाखको चेक हस्तान्तरण गरेको छ ।

प्रधानमन्त्री पुष्पकमल दाहाल प्रचण्डलाई कम्पनीका अध्यक्ष ईश्वरी राणा, व्यवसाय प्रमुख हरकिरत सिंह बेदी, कम्पनीका वरिष्ठ अधिकारीहरुले चेक हस्तान्तरण गरेका हुन् ।

डाबर नेपालले विनाशकारी भूकम्पमा ज्यान गुमाउनेहरु प्रति दुःख व्यक्त गर्दै घाइतेहरुको शीघ्र स्वास्थ्य लाभको कामना समेत गरेको छ ।

संकटको घडीमा भूकम्प प्र्रभावित जिल्लाका जनतासँग ऐक्यवद्धता जनाउँदै सहयोग हस्तान्तरण गरिएको कम्पनीले जनाएको छ ।