२३ मंसिर, काठमाडौं । नेपाल सुपर लिग २०२३ को शनिबार हुने ‘डबल हेडर’ को पहिलो खेलमा धनगढी एफसीले स्पोर्टिङ इलामको सामना गर्नेछ । यस खेलसँग जोडिएका तथ्यांक यस प्रकार छन् ।
१. यो खेल यसपल्टको १८ औं र समग्रमा ४३ औं खेल हुनेछ ।
२. इलाम प्रतियोगिताको नवप्रवेशी टिम रहेको हुनाले धनगढीसँगको खेल उनीहरूबीचको पहिलो प्रतिस्पर्धा हुनेछ ।
३. धनगढीको तीन खेलबाट सात अंक छ र लिग तालिकको दोस्रो स्थानमा छ । अहिलेसम्म अपराजित धनगढीसामु जितसँगै शीर्ष स्थानमा उक्लने र लिग तालिकामा दोस्रो अंक छुने अवसर हुनेछ ।
४. धनगढीले वर्ष ०७८ मा लिग चरणको खेल समाप्त हुँदा छ खेलबाट १० अंक जोडेको थियो ।
५. धनगढीले यसपल्ट वीरगञ्ज युनाइटेडलाई २–१ र बुटवल–लुम्बिनी एफसीलाई १–० ले हराएयता ललितपुर सिटी एफसीसँग गोलरहित बराबरी खेलेको थियो । धनगढीले पछिल्लो २ सय २५ मिनेट कुनै गोल खाएको छैन ।
६. इलाम चार खेलबाट तीन अंक जोड्दै सातौं स्थानमा छ । धनगढीविरुद्ध जित निकाल्न सके इलामसामु अंक तालिकाको शीर्ष चारमा उक्लने अवसर पनि हुनेछ । पराजित भएमा क्वालिफायर/इलिमिनेटरको सम्भावना अझ कमजोर हुनेछ ।
७. इलाम काठमाडौं रेजर्ससँग १–०, बुटवल–लुम्बिनीसँग २–१ र पोखरा थन्डर्ससँग १–० ले पराजित भएको थियो । उसले झापा एफसीविरुद्धको खेल भने १–० ले जितेको थियो ।
प्रतिक्रिया 4