२ पुस, काठमाडौं । ह्यारी केनले दुई गोल गरेपछि बायर्न म्युनिखले जर्मन बुण्डेसलिगामा भिएफबी स्टुडगार्डमाथि ३-० को सहज जित हात पारेको छ ।
स्टुडगार्ड विरुद्ध दुई गोलपछि केनले बुण्डेसलिगामा छिटो २० गोल गर्ने कीर्तिमान बनाएका छन् ।
केनले खेलको दोस्रो र ५५औं मिनेटमा गोल गरेका थिए । उनले १४ खेलमै २० गोल गर्दै कीर्तिमान बनाएका हुन् ।
केनले ह्यामवर्गका उवे सिलरको कीर्तिमान तोडेका हुन् । उनले सन् १९६३-६४ मा २१ खेलमा २० गोल गरेका थिए । यस्तै एर्लिङ हालान्डले २०२० मा बवरुसिया डर्टमण्डका लागि २२ खेलका २० गोल गरेका थिए ।
बायर्नका लागि अर्को गोल किम मिन जाएले गरे ।
जितपछि बायर्नले १४ खेलबाट ३५ अंक जोडेको छ । दवस्रो स्थानको बायर्न लिग लिडर बायर लेभरकुजन भन्दा अझै ४ अंकले पछि छ ।
लेभरकुजनले एक खेल बढी खेलेको छ र १५ खेलबाट ३९ अंकसहित शीर्ष स्थानमा छ ।
लेभरकुजनले आइतबारै भएको खेलमा एनट्राट फ्रांकफर्टलाई ३-० ले पराजित गरेको थियो ।
जाभी अलोन्सोको टिम लेभरकुजनले यस सिजन २४ प्रतिस्पर्धात्मक खेल हारेको छैन ।
प्रतिक्रिया 4