९ फागुन, काठमाडौं । नेपाल पुलिस क्लबले प्रथम जिएम कप आमन्त्रित राष्ट्रिय पुरुष भलिबल प्रतियोगिताको उपाधि जितेको छ ।
मंगलबार भएको फाइनल खेलमा विभागीय प्रतिद्वन्द्वी एपीएफमाथि ३-२ को सेटमा रोमाञ्चक जित हात पार्दै पुलिस च्याम्पियन बनेको हो ।
नवलपरासीको कावासोतीस्थित कुमारवर्ती क्याम्पस प्रांगणमा पुलिसले एपीएफलाई २६-२४, २१-२५, २५-२१, २१-२५,१५-१२ ले पराजित गरेको हो ।
यस्तै गण्डकी प्रदेशले त्रिभुवन आर्मी क्लबलाई ३-२ कै सेटमा हराएर तेस्रो भएको छ ।
जीएम समाज कावासोतीको आयोजनामा भएको जीएम कप आमन्त्रित राष्ट्रिय भलिबल प्रतियोगितामा तीन विभागीय टोलीसहित गण्डकी प्रदेश र स्थानीय दुई टोली गरी कुल ६ टोलीको सहभागिता थियो ।
जीएम कप उपाधि विजेता पुलिसले ट्रफी सहित नगद २ लाख प्राप्त गर्यो । यस्तै उपविजेता एपीएफले १ लाख तथा तेस्रव भएको गण्डकीले ५० हजार हात पार्यो ।
प्रतियोगितामा पुलिसका रविन चन्द्र सर्वोत्कृष्ट खेलाडी घोषित भए ।
प्रतिक्रिया 4