सर्वोत्तमको आईपीओमा पहिलो दिन नै पर्‍यो ३ गुणाभन्दा धेरै आवेदन

१३ फागुन, काठमाडौं । सर्वोत्तम सिमेन्टको प्राथमिक सेयर (आईपीओ)मा पहिलो दिन नै मागभन्दा ३ गुणा धेरै आवेदन परेको छ । कम्पनीले आम सर्वसाधारणका लागि २७ लाख ७६ हजार ७६ कित्ताका लागि आवेदन माग गरेकोमा पहिलो दिन आइतबार साँझ ५ बजेसम्म ८६ लाख ६० हजार ६४० कित्ताका लागि आवेदन परेको सीडीएस एण्ड क्लियरिङ लिमिटेडले जनाएको छ ।

कम्पनीको आईपीओमा १ लाख ५६ हजार २०७ जनाले आवेदन दिएका छन् । फागुन १६ गतेसम्म सीडीएसको अनलाइन प्रणाली मेरोसेयरमार्फत आईपीओमा आवेदन दिन सकिने छ । बुक बिल्डिङ विधिबाट पहिलो पटक यस कम्पनीको आईपीओको मूल्य निर्धारण भई सर्वसाधारणमा बिक्री खुला भएको हो ।

यो पद्दतीबाट आईपीओ जारी गर्ने कम्पनीमा न्यूनतम ५० कित्ताका लागि आवेदन दिनुपर्छ । तसर्थ आईपीओ भर्न कम्तीमा १८ हजार ४५ रुपैयाँ चाहिन्छ । सो रकम बैंक खातामा मौज्दात नभएमा आवेदन नै रद्द हुन्छ ।

यो पनि पढ्नुहोस

प्रतिकित्ता ३६० रुपैयाँ ९० पैसा आईपीओ मूल्य तोकिएको सर्वोत्तम कस्तो कम्पनी हो ?