­­­­सुनिल गिरीले ल्याए ‘चरक्कै’

मायालुले नहेर्दा मलाई वास्तै नगर्दा

यो मन मेरो चरक्कै चरक्कै चर्कन्छ

भनेको केही नटेर्दा पराइले झैं गर्दा

आँखा मेरो दरक्कै दरक्कै दर्कन्छ

गायक सुनिल गिरीले नयाँ गीत ‘चरक्कै’ ल्याएका छन् । सुनिलकै शब्द तथा संगीत रहेको गीतलाई गण्डक क्षेत्रको रोदी शैलीमा निर्माण गरिएको छ ।

गुरुङ समुदायका दुई युवायुवतीको प्रेममा सामाजिक अन्धविश्वास बाधक बनेपछि आउने उतारचढावको कथा गीतको भिडियोमा प्रस्तुत गरिएको छ । गणेशमान घले र जुना गुरुङको अभिनय रहेको भिडियोलाई सुनिल गिरी स्वयंले निर्देशन गरेका छन् । भिडियो कथा पनि उनकै हो । भिडियोमा विवेक विकको छायांकन छ भने सम्पादन र कलर संयोजन मनोज कार्कीले गरेका हुन् । गीतको छायांकन धादिङको रुबी भ्यालीमा गरिएको हो ।

गीत ‘सुनिल गिरी’ युट्युब च्यानलमा रिलिज गरिएको छ ।