भन्सार छलीका सवारी साधनसहित ३ जना पक्राउ

१५ चैत, काठमाडौं । भन्सार छलेर भारतबाट ल्याइएका सवारी साधनसहित तीन जना पक्राउ परेका छन्. ।

पक्राउ पर्नेहरुमा काठमाडौंको नागार्जुन नगरपालिका–७ रामकोट घर भएका २७ वर्षीय किशोर गिरी, धादिङको धुनिबेशी नगरपालिका–७ घर भएका २७ वर्षीय प्रवीण गिरी र काभ्रेको महाभारत गाउँपालिका–२ घर भएका ३० वर्षीय रमेश गिरी छन्. ।

उनीहरुलाई काठमाडौं उपत्यका अपराध अनुसन्धान कार्यालयको टोलीले बुधबार पक्राउ गरेको हो । उनीहरुले भारतले भन्सार छलेर सवारी साधन ल्याई ड्राइभिङ इन्टिच्युटहरुलाई बेच्ने गरेको पाइएको अपराध अनुसन्धान कार्यालयका एसपी तथा प्रवक्ता नकुल पोखरेलले बताए ।

भन्सार छलेर ल्याइएका २ मोटरसाइकल र १ अल्टो गाडीसहित उनीहरुलाई कारबाहीका लागि त्रिभुवन अन्तराष्ट्रिय विमानस्थल भन्सार कार्यालय पठाइएको छ ।