+
+

आफ्नै रजश्वलाको रगत बेचेर मनग्गे कमाउने युवतीको योजना !

एजेन्सी एजेन्सी
२०८० चैत २० गते १२:३८

उनी पेशाले एक मोडेल हुन् । आफ्नो अनुहारलाई सुन्दर बनाउन तथा चम्काउनका लागि आफ्नै रजश्वलाको रगतलाई फेस मास्कको रुपमा अनुहारमा दल्ने गरेको अनौठो खुलासा २२ वर्षकी ती युवतीको छ ।

टिकटकमा Xehli G नामको अकाउन्टमा उनले आफ्नो त्यो अनौठो कामका बारेमा खुलासा गरेकी छिन् ।

ती युवतीका अनुसार उनले यस्ता हरेक काम गर्छिन् जसले उनको छालालाई राम्रो बनाओस् ।

उनी भन्छिन्- सधैं सुन्दर तथा स्वस्थ देखिन को चाहँदैन ? म यस्तै छु र मलाई लाग्छ कि धेरैजसो मानिसहरु म जस्तै छन् । फरक के छ भने राम्रो देखिनका लागि मैले अरुले भन्दा केही फरक तरिकाको प्रयोग गर्दछु ।

डेलीस्टारमा छापिएको समाचार अनुसार ती युवतीले आफ्नो रजश्वलाका बेला भएको रक्तश्रावलाई फेस मास्कका रुपमा प्रयोग गर्दछिन् ।

यसरी अनुहारको सुन्दरताका लागि प्रयोग गरिने फेस मास्कमा आफ्नै रगत प्रयोग गर्दा त्यसले पर्यावरण संरक्षणमा योगदान पुग्ने दाबी उनको छ ।

आफूलाई प्लास्टिकको प्रयोग गर्न कुनै आवश्यक नरहेको भन्दै उनले आफूले कुनै पनि चिज खेर जान नदिने र आफ्नै शरीरबाट प्राप्त हुने चिजहरुबाट आफ्नो हेरचाह गर्ने गरेको बताएकी छिन् ।

आफूले आफ्नो महिनावारीको रगत संकलन गरिरहेको र त्यसलाई बिक्री गर्ने योजना बनाइरहेको उनको भनाइ छ ।

यस्तो काम गरिरहेकी ती युवती टिकटकमा निकै चर्चित छन् र उनका फलोअर्स ५ लाखभन्दा धेरै पुगिसकेका छन् ।

आफ्नो टिकटक पोस्टमा उनले लेखेकी छिन्- मानिसहरुले आफूलाई जे सबैभन्दा राम्रो लाग्छ त्यही काम गर्नुपर्छ । मैले आफ्नो अनुहारमा आएको परिवर्तन देखेकी छु र मलाई यसको परिणाम मन परेको छ । मैले धेरै सन्देशहरु पढेकी छु, जसमा मानिसरुले भन्ने गरेका छन् कि मेरो रजश्वलाले नै उनीहरुको समस्याको समाधान गर्न सक्दछ । यस्तो होइन कि केवल मलाई मात्रै समाधान प्राप्त भएको छ । अब जो कोहीले पनि यो खरिद गर्नेछन् उनीहरुको छाला पनि मेरो जस्तै सुन्दर तथा स्वस्थ बन्दछ।

तर उनको यस्तो दाबीसँग स्वास्थ्य विज्ञहरु भने सहमत छैनन् । अनुहारको छाला चम्किलो र सुन्दर बनाउनका लागि रजश्वलाको रगत दल्ने उनको कामलाई विज्ञहरुले गलत भनेका छन् ।

लेखकको बारेमा
एजेन्सी

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Hot Properties
Advertisment

छुटाउनुभयो कि ?