तत्काल सुदूरपश्चिम सरकारमा नजाने एमालेको निर्णय

६ वैशाख, काठमाडौं । नेकपा एमाले मुख्यमन्त्री दीर्घ सोडारी नेतृत्वको सरकारमा तत्काल नजाने भएको छ ।

एमालेसहितका दलको समर्थनमा एकीकृत समाजवादीका संसदीय दलका नेता सोडारी बिहीबार मात्र मुख्यमन्त्री नियुक्त भएका छन् । उनले आजै शपथ लिएर सानो आकारको मन्त्रिपरिषद् गठन गर्न चाहेका थिए ।

तर एमालेले मन्त्रीको नाम दिएन । ‘हामीले सरकारलाई समर्थन गरेका छौं, तर सरकारमा भने तत्काल नजाने निर्णय गरेका छौं’ सांसद धर्मराज पाठकले भने ।