हतियारको इजाजत नवीकरण गर्न जिप्रका काठमाडौंको निर्देशन

२६ वैशाख, काठमाडौं । जिल्ला प्रशासन कार्यालय (जिप्रका) काठमाडौंले इजाजत पत्र लिएका हातहतियारको नवीकरण गर्न निर्देशन जारी गरेको छ ।

बुधबार सूचना जारी गर्दै कार्यालयले हतियारसहित स्वयम् उपस्थित भएर नवीकरण गर्न निर्देशन दिएको हो ।

जिल्ला प्रशासनबाट हातहतियार राख्न इजाजत पत्र लिएका व्यक्ति, संस्थाहरूले प्रत्येक वर्षमा नवीकरण गर्नुुपर्ने व्यवस्था छ ।

कतिपय व्यक्ति, संस्थाले नवीकरण नगराएको कार्यालयले जनाएको छ ।

पाँच वर्षसम्म नवीकरण नभएका हतियार जफत हुने कानुनी व्यवस्था रहेको पनि जिप्रकाले उल्लेख गरेको छ ।